Бидний YWAM UB байгууллага нь анх 1993 онд байгуулагдсан. Өнөөдрийг хүртэл 31жилийн турш тасралтгүйгээр үйл ажиллагаагаа явуулсаар байна. Тэгвэл яг хэзээ мөн хэн энэхүү залуучуудын хөдөлгөөнийг эхлүүлснийг та мэдмээр байна уу?
Лорен Коннинхэмд өгсөн Бурханы алсын хараа болох Авралын сайн мэдээг бүх үндэстэнд хүргэх нь бодитоор хэрэгжин олон улс үндэстэнд хүрсэн бөгөөд үүний нэг нь Монгол улс маань болсон юм. Ингэж л өнөөдрийн YWAM UB байгууллага маань эхлэх суурь нь болжээ.
1990 онд Монголд ардчилал ялснаар олон илгээлтийн эзэд Монголыг зорих боломжтой болсон. Тэдний дунд 30 гаруй насны залуу эхнэр, бяцхан хүүхдээ дагуулан монголд ирснээр 1993 онд YWAM Улаанбаатар нь анх үүсгэн байгуулагдсан юм. Тэд бол үндэстнүүдээс үндэстэн рүү хүрээгээ тэлж буй давлагааны нэг хэсэг байв. Өдгөө YWAM Улаанбаатарт Бурханд амьдралаа зориулахаар шийдэн итгэлээр алхаж буй 15 бүтэн цагийн ажилчин, 35 сайн дурын ажилчид байна. Бид өнөөдөр эдгээр анхны үеийнхний үлдээсэн өв уламжлалыг үргэлжлүүлэн баяр хөөртэйгөөр үйлчилсээр байгаа билээ. Мөн Бурхан Монголд болон дэлхий даяар хэрхэн ажиллаж байгааг харахыг сэтгэл догдлон хүлээж байна.

Бид сургалт, сайн сэдээ, энэрлийн үйлчлэл гэсэн хүрээнд үйл ажиллагаа болон хөтөлбөрүүдийг явуулдаг бөгөөд эдгээр нь хүмүүсийн амьдралд бодит нөлөө үзүүлсээр байгаа. Бидний хийдэг үйл ажиллагаанаас дурдвал : UDTS болон IDTS сургалтууд, Үгийн сургалт, энэрлийн үйлчлэл, Медиа баг, Номад үйлчлэл, өсвөрийн сургалт, спорт үйлчлэл, магтаалын үйлчлэл, илгээлтийн баг болон хэвлэлийн үйлчлэл юм.

Залуучуудын магтаалын конференц
Бид 2024 оны 1 сард Монгол чуулганы залуучуудын дунд магтаал хүндэтгэлийг сэргээх зорилгоор Магтаалын Конференцийг зохион байгуулсан. Конференцид 1400 залуучууд оролцсоноос 600 орчим нь чуулганд хамрагддаггүй залуучууд байсан. Тэр өдөр 300 орчим залуучууд Есүсийг хүлээн авах шийдвэр гаргасан

Нээлттэй магтаал
Бид сар бүрийн эхний долоо хоногийн Пүрэв гарагт магтаал хүндэтгэл, залбирал болоод Бурханы үгийг сонсох нээлттэй магтаалыг зохион байгуулдаг. Үүнд нийт 150-180 залуучууд тогтмол оролцдог. Магтаалын баг маань 20 орчим хүний бүрэлдэхүүнтэй. Бидний зүрх сэтгэл нь залуус Бурханыг хайж, хамт олонтой болох, сайн мэдээ сонсоогүй найзуудаа урьж, Бурханыг мэдэх орон зайг бий болгох явдал юм. Энэ нээлттэй магтаалыг гурван жилийн турш тогтмол сар бүр явуулж байна.

 Өсвөрийн үйлчлэл
Өсвөрийн үйлчлэл Монголын дараа үеийг Христийг дагалдагч болгохыг зорин жил бүр Өсвөрийн Дагалдагч Бэлтгэх сургуулийг хийж байгаа бөгөөд 2024 онд бид 16 дахь удаагийн Өсвөрийн Дагалдагч Бэлтгэх сургуулиа хийсэн. Энэ хугацаанд бид 1000 гаруй өсвөр залуучуудад олон янзын арга замаар хүрч үйлчилсэн байна. Монголын өсвөрчүүдийн дунд сэргэлт бий болж байна.

Өсвөрийн үйлчлэлийн талаархи бичлэгийг үүн дээр дарж үзнэ үү.

Үгийн үйлчлэл
Езра 7:10 -н дагуу Монголын 21 аймагт Үгийн үйлчлэгч нарыг босгох болон Монголын дараа үеийг үг суурьтай Христийг дагалдагч болгохыг зорин үйлчилдэг. Энэ зорилгын хүрээнд бид SBS, DBS, Хүүхдийн Библи кемп, ажилчдад зориулсан оройны Библийн сургууль, Семинар, Жижиг бүлгийн Библи судлал, хэвлэвэл материал зэргийг хийж байна.

Оюутны үйлчлэл
Оюутны дагалдагч бэлтгэх сургууль буюу UDTS Их хотын онцлогт тохируулан оюутан залуучууд ажил сургуулиа орхигдуулалгүйгээр Бурханыг таньж мэдэн, Христийг дагалдагч болохоор Оюутны Дагалдагч Бэлтгэх сургууль хийж байна. 13 дахь удаагийн Дагалдагч бэлтгэх сургууль маань 13 оюутан 10
стаффтайгаар явагдаж байна. Мөн жил бүр энэхүү сургуулийг төгссөн төгсөгч нараа дагалдуулах зорилгоор уулзалтыг зохион байгуулж байна.

UDTS буюу Оюутны дагалдагч бэлтгэх сургуулийн бичлэгийг хүлээн авч үзнэ үү.

Илгээлт

1. Богинын илгээлт

2024 оны хүрээнд богинын 7 илгээлтээр , 23 байршил руу , 122 хүн илгээсэн байна.

1. Уртын илгээлт

Монгол дотор: Монголын зүүн бүсэд орших Хэнтий аймагт бэйс тарихаар Мөнх-Одын гэр бүлийг 2023 онд илгээсэн. Одоогоор спорт үйлчлэлээр дамжуулан өсвөр хүүхдүүдэд хүрч үйлчилж байна.
Гадаад илгээлт: 2019 онд Киргизстан улсад Өлзийбаярын гэр бүл нь илгээгдэж, спорт үйлчлэл болоод тэнд сурч буй их сургуулийн оюутнуудыг дагалдуулах үйлчлэлийг хийсээр байна. Бурхан бидэнд төв Азийн төлөөх зүрх сэтгэлийг өгч 2018 оноос хойш бид жил бүр төв Ази руу илгээлт хийсээр байгаа.

Үүн дээр дараад Хэнтий дэх үйлчлэлтэй танилцаарай

Хэвлэл медиа
2024 онд бид Шинэ магтан дууны номыг хэвлэлд гаргасан. 21-р зуунд Медиагаар дамжуулан энэ үеийнхэнд болон дараа үеийнхэнд Бурханы хийж буй ажлыг медиагаар дамжуулан гэрчилж, үлдээхийг зорьж байна.

Спорт үйлчлэл
2024 оны намар бид сагсан бөмбөгийн On3 3х3 лигийг санаачлан On3 залуучуудын хөдөлгөөнтэй хамтран эхлүүллээ. Яг одоо лигийн улирлын тоглолтууд үргэлжилж байгаа бөгөөд нийт 40 баг 32 чуулганаас 200 гаруй тамирчид энэ лигт идэвхийлэн оролцож байна. Бид баг бүр хоёр хүртэлх тооны итгэгч биш тамирчин оролцохыг чуулгануудад урамшуулснаар сагсан бөмбөгт сонирхолтой залуучуудад сайн мэдээ хүргэх, спортоор дамжуулан дагалдуулалт хийх боломжийг бий болгож байгааг харахдаа баяртай байна. Энэхүү спорт үйлчлэлээр дамжуулан чуулгануудын дунд эв нэгдэл, хамтрал бий болж, нөхөрлөл дунд дагалдагчид босч байгаа нь онцлуйштай юм.

Nomad ministry (Номастри)
Завгүй малчдын хэв маягт тохирсон сайн мэдээ, дагалдуулалт, чуулган тарилт хийх шинэ аргуудыг олж илрүүлэн хэрэгжүүлж байна. 2024 онд бид Монгол Кампус Крусэйд байгууллага, Кона YWAM, Нутгийн чуулгантай хамтран 21 хоногийн турш Хэнтийн Дадал суманд өрнөсөн.

IDTS
Бидний эхлүүлсэн Олон Улсын Дагалдагч Бэлтгэх Сургууль хоёр дахь жилдээ явагдаж нийт 8 үндэстэн хамтдаа суралцаж, үйлчиллээ. Нийт 12 оюутан Афганистан, Непаль, Мьянмар улсуудаас ирж суралцсан бөгөөд Итали, Энэтхэг, Камбож, Америк улсуудаас үйлчлэх стаффуудыг Эзэн илгээж өгсөнд баяртай байна. Оюутнууд маань илгээлтээр Төв Азийн Казакстан, Киргизстан улсууд болон Зүүн Өмнөд Азийн Тайланд улсуудад хоёр баг болон илгээгдэж, үр жимстэйгээр эргэн ирсэн. Оюутнууд маань Бурханы үндэстнүүдэд хандсан зүрх сэтгэлийг өвлөн авч, эдгэрэл, чөлөөлөлт явагдсан, Эзэн дотор өөрийн байр суурь, хараа дуудлагаа олж авсан цаг байлаа. Олон улсын гэдэг утгаараа олон соёлууд, олон хэлтнүүд цугладаг учраас үл ойлголцол, амаргүй цагууд байсан ч, бид сайнаар даван гарч төгсөх үедээ хэдий нь нэгэн гэр бүл мэт болсон байсныг харахдаа талархалтай байлаа.

IDTS буюу ОУ-н дагалдагч бэлтгэх сургуулийн талаархи бичлэгийг эндээс үзнэ үү.

Энэрлийн үйлчлэл
YWAM Улаанбаатар байгууллага маань анх үйл ажиллагаа явуулж эхэлснээс хойш энэрэлийн үйлчлэлийг тогтмол хийсээр байгаа. Үүнд: цагаан даваа хогийн цэг дээр очин хоол, хүнс, бэлэг тараан мөн дүүрэг, хороотойгоо хамтран нэн буурай айлуудад тусламжийн үйлчилгээ үзүүлдэг.

Залбирлын хүсэлт

• Манай байгууллагын залбирлын хамгийн том хүсэлт бол хөдөө орон нутагт явж,
  нүүдэлчдэд хүрч үйлчлэх боломжтой автомашиныг худалдаж авах юм. Бид 2007 оны Mitsubishi Delica L400 авто машиныг худалдаж авахыг зорьж байна. Энэ
  машины өртөг нь ойролцоогоор 15,000 ам доллар бөгөөд энэ санхүүгийн төлөө бид
  тэмцсээр байгаа. Бидний энэхүү хэрэгцээг Бурхан хангаж, хөдөө орон нутагт хүрч
  үйлчлэх боломж бий болохын төлөө залбирч өгнө үү.
•  Бидний хоёрдох том залбирлын хүсэлт бол одоо байгаа газар дээрээ шинэ байр
  барих юм. Одоогоор бид YWAM UB-н байраа хэтрүүлэн ашиглаж байгаа бөгөөд энэ
  нь бүтэн цагийн ажилчид болоод хийж буй үйлчлэлүүдэд хүрэлцээгүй байна.
  Цаашлаад урт хугацааны төлөвлөгөөнд зайлшгүй шаардлагатай гэж харж байгаа.
  Мөн 2025 оны 5-р сараас эхлэн шинэ барилгынхаа ажлыг хийхээр залбирал дотор
  төлөвлөж байна.
• Бид илүү олон урт хугацаанд үйлчлэх ажилчид элсэхийн төлөө залбирч байна.
  Монголын дараагийн үе болон Христийн сайн мэдээ хүрээгүй тэдгээр хүмүүст зүрх
  сэтгэлээсээ үйлчлэх бүтэн цагийн ажилчид нэмэгдэхийн төлөө залбирч өгөөрэй.
• UDTS буюу Оюутны дагалдагч бэлтгэх сургуулийг бид монгол дотроо өөр өөр газруудад хийхийг хүсэж байна. Тиймээс үүний төлөө залбирч өгнө үү.

Манай Улаанбаатар YWAM байгууллагын мэдээллийг дагаж байгаа танд баярлалаа. Үргэлжлүүлэн бид Бурханы хийж буй ажлууд болоод гэрчлэлүүдийг гурван сар тутам хуваалцах болно. Хэрвээ танд ямар нэгэн асуулт байгаа бол бидэнтэй холбогдоорой.